Presentación poemario: Antonino Nieto Rodríguez

Antonino Nieto Rodríguez é un poeta de risco que mantén unha relación

visceral coa poesía, sabe que para el é o mellor xeito de expresarse para

sair da súa zona de confort.

 

Considera o -espazo poético- como unha trincheira onde refuxiar o seu

espírito crítico, lúcido…e, por veces, “luciferino”.

 

Os seus versos latexan ceibes cunha singularidade fonética e ortográfica

que levan a un rupturismo gramatical ata acadar un expresionismo de por

sí transgresor. O seu pensamento descorre pola beira dunha alocución

automática, rápida e innovadora; a melodía que supón a poesía esvara

cunha liberdade creadora total, e transmite un frenesí aparentemente

caótico, afastado de toda formalidade lingüística.

 

A voz poética de Antonino Nieto Rodríguez é desafiante, complexa e

fonda: un berro revelador máis aló da néboa…

Os seus versos convócannos á reconexión co noso ser máis íntimo para

recuperar a conciencia de nós mesmos.

 

“El ojo que todo lo esconde, o el cuchillo que trocea a los inocentes”está

impregnado por unha -atmosfera de arrebato- (lírico-épico) que respira

insubordinación. A súa lectura pode deixarte á beira do precipicio, e pode

estar tamén non canón de luz que che salve do abismo para retomar o ar

e regresar, de novo, ao poderoso remuíño para resucitármonos.