Pasar unha tarde en compañía de dous grandes amigos e artistas(Jesús
Núñez e a súa dona Lola Galilea), visitando, de novo, o CIEC (ubicado en
Betanzos) é todo un luxo. A Fundación CIEC (creouse, como tal, no ano
1997)aposta pola arte gráfica contemporánea que se fai dende Galiza, con
actividades formativas y expositivas, que se complementan con visitas guiadas e
didácticas, talleres para adultos e infantís, encontros, charlas, conferencias,
concertos, recitais, intercambios, edicións, asistencia á feiras de Arte
Gráfica. Está tamén o Premio Jesús Núñez en torno á Estampa. A colección CIEC
conta con máis de 3.000 pezas tanto de autores recoñecidos como de xóvenes
valores. Hai que salientar as dúas salas dedicadas a mostrar unha selección da
obra de dous grandes artistas: a Sala Luis Seoane con obra donada pola súa
viuva, Maruxa Seoane, no ano 2001(case un centenar de obras). E a Sala Amadeo
Gabino, quen despois de ter impartido cursos de verán nos talleres do CIEC ,
decidiu donar un centenar das súas obras á Fundación coa finalidade de apoiar o
proxecto artístico, a creación do CIEC, que comezaba entón Jesús Núñez. Que
dicir de Jesús Núñez, artista multidisciplinar. A súa obra abrangue todas as
técnicas do gravado, así como a pintura, a escultura, o deseño textil e de
xoias, e incluso deseño de mobiliario. Mostras da súa obra atópanse nos
principais museos nacionais e internacionais de Arte Contemporáneo. Madrid,
Berlín, París, Venecia, Tokio, Punta del Este son lugares emblemáticos para
Jesús Núñez, tanto polos premios obtidos coma polos cursos impartidos. No
edificio do CIEC hai unha sala dedicada á variedade da súa obra. A Bienal de
Balconadas de Betanzos iniciouse no ano 1988 pola propia iniciativa de Jesús
Núñez. Trátase dun Certame Internacional de Pintura, na que participan máis de
120 paises. A cidade semella un museo ao aire libre con centos de obras moi
sorprendentes de estéticas moi variadas. Jesús Núñez xunto co poeta Uxio
Novoneira, autor dun extraordinario poema dedicado aos Caneiros(escrito no ano
1955) levaron a cabo un traballo de creación que deu como resultado un marabilloso libro, no que as sorprendentes
grafías de Uxio, dialogan cos fantásticos gravados de ese grande artista que é
Jesús. Tiven a oportunidade de coordinar dito proxecto no ano 1997, e foi unha
experiencia moi gratificante.
Olga Patiño Nogueira