Poetas na cociña

 

Presentación do poemario -Poetas na cociña V-: unir voces para reivindicar a formidable

labor que a Cociña Económica da Coruña (fundada no ano 1886) leva a cabo nun eido

da nosa sociedade.

Tanto no acto na Sala de Cultura do Sporting Clube Casino da Coruña (16-Nadal-2024)

como no acto celebrado na Asociación Alexandre Bóveda (10-Febreiro-2025) tentamos

ir á procura da luz, nesta sociedade alienada e alienante onde semella que nos

consumimos consumindo...

O numeroso público que nos acompañou respondeu formidablemente.

In memoriam de Omar Kessel

Tivo lugar no CIEC de Betanzos a Homenaxe póstuma ao artista cubano Omar Kessel.

O numeroso grupo de amig@s que alí nos congregamos estivemos envoltos por unha

atmosfera chea de emoción. Agromaron sentimentos que traspasaban a luz do día

para lembrar a ese gran ser humano, e gran artista -Omar Kessel-.

 

Alí estaba o segredo...(Imaxe-Manuel Pailós)

     Para Manuel Pailós

Alí estaba o segredo

máis ousado:

a corrente silandeira que

ausente do mundo

agroma na penumbra

da harmonía.

É o fresco tremelar que

no espazo dos soños

esvara

o equilibrio da tarde, e

acouta

a sombra clamorosa

do teu tempo,

esa bruma imperturbábel…

 

                                                                                                             Olga Patiño Nogueira

                                                                                                        (A Coruña, 31-Xullo-2024)